「金句王」黎明（Leon）开完演唱会后，联同毛记电视「脑细」林日曦合作度金句拍广告，获网民爆Like洗版，更令代言嘅咖啡卖断市。噚日，Leon又有新搞作，佢喺Facebook化身「明蝠侠」宣布推出4D演唱会嘅蓝光碟，佢话：「爱唔爱冇得拣冇得迫，你锺意买就买，唔买就唔会迫你买，OK？自由选择最好㗎喇！」最后，Leon仲补充：「一个唔觉意你就有炒卖价值，哈哈！」

黎明化身「明蝠侠」宣布推出4D演唱会嘅蓝光碟。

Leon今次嘅个唱蓝光碟只限网上订购，售价港币200元，每卖出一只就会捐20元畀慈善机构。不过，Leon话要喺十日内预售够10,000只先会正式出碟。一班网民听到即时上网订购，唔够六粒钟，订购数量已超过10,000只，有歌迷仲话：「订购后先谂起屋企播放器播唔到蓝光碟，即时决定买机煲碟。」

黎明个唱蓝光碟预购唔够六个钟，订购数量已超过10,000只。