噚日，邓丽欣（Stephy）出席公开活动时，被问到前男友方力申喺访问中，话未放得低佢哋感情一事，Stephy话睇咗报道后个心都「噏噏哋」，佢话：「有睇到，我啱啱喺峇里岛返嚟，朋友讲我知。我都唔再想讲我哋之间嘅事，希望呢段时间大家丢淡下，专注返我嘅工作。」其后，Stephy一度双眼通红，当场落泪。

邓丽欣话同方力申之间最主要係沟通同Timing问题。

问Stephy会唔会想同方力申复合？佢话：「冇谂呢样嘢，我哋之间最主要係沟通同Timing嘅问题。其实分开之前同之后，我哋私底下好少讨论呢个问题，希望将来慢慢去处理。」讲到方力申话两个人「冇咗爱」，所以好难复合。Stephy话：「其实都係沟通同Timing，爱分好多层次，唔止爱情，仲有家人。」

讲到同方力申嘅感情，邓丽欣一度双眼通红。