因演出《哈利波特》系列电影中「妙丽」一角，喺全球爆红嘅嘅英国影星爱玛屈臣（Emma Watson），去年宣布演出迪士尼经典动画《美女与野兽》真人版女主角「贝儿」，令一众影迷十分期待。虽然套戏要等到明年先正式上映，但噚日电影公司公开咗首条预告片，片中视觉特效令人惊歎，场景极尽华丽，真实重现咗1991年动画原版入面迷人嘅舞会大厅。

爱玛屈臣演出《美女与野兽》「贝儿」一角，令影迷十分期待。

喺预告片中，饰演「贝儿」嘅爱玛屈臣终于登场，但镜头刚好畀一朵玫瑰花遮住咗，暂时未能睇到佢个靓样，但足以挑起影迷对套戏嘅兴趣。原作故事中重要嘅象徵物玫瑰花频频喺片中出现，而且片段沿用1991年动画版主题曲做配乐，令唔少粉丝都好奇今次迪士尼会忠于经典，定係会似拍摄《黑魔后：沉睡魔咒》嘅方式咁去大改童话。

爱玛屈臣被一朵玫瑰花遮住咗个样，真係吊足瘾。