ViuTV主打娱乐节目《跟住矛盾去旅行》喺凌晨播出番外篇，节目尾声就访问咗几位疑似係下一季嘅嘉宾，虽然冇公开嘉宾个样，而且声音经过特别处理，但有网民就估到几位嘉宾其实係杜汶泽、萧若元、陶杰及梁天琦等。有媒体就即时搵杜汶泽回应，佢就话：「其实佢哋（ViuTV）有倾过好多，但呢啲未成事嘅嘢我就睇下电视台点安排先啦！」

杜汶泽话ViuTV有搵佢倾过参加《跟住矛盾去旅行》。

睇返杜汶泽嗰条访问片，佢讲到：「呢一行同我关係呢，唔係矛盾，而係彻底仇恨，喺彻底仇恨底下，唔好话去旅行，同一架lift内都好麻烦。王X（疑似王晶）？唔係亚视嗰个，肥嗰个？我以前同佢好好朋友㗎，忽然有一日佢话Unfriend我，忽然间就咁。后来我见佢，我怀疑佢係真心癫喎！我以前见佢係叫X哥，而家哥乜鬼，直接叫全名，我叫佢全名已经好尊重。」

杜汶泽话长毛同曾主席去旅行最好睇。