胡杏儿同老公李乘德（Philip）结婚半年，两人经常喺网上甜蜜放闪。近日，Philip去台湾出席好友婚礼，喺内地工作嘅杏儿突然出现喺婚礼现场，仲同老公又揽又锡，十分恩爱。噚日，有报道话杏儿当日突击婚礼现场，係因为老公Philip同行中有位身材骄人嘅富贵台女Joy做导游，所以杏儿当众同老公晒恩爱宣示主权。

胡杏儿突击好友婚礼现场，同老公李乘德又揽又锡不断放闪。

消息传出后，杏儿第一时间否认传闻，佢话：「希望大家不要这么负面和阴谋论，就不能好好相信爱情吗？」其后，Philip亦喺Instagram贴出大合照澄清传闻，佢话同一大班朋友同游台北，并非报道中所讲两人同行。Philip话将朋友牵连在内好抱歉，佢话：「我觉得对不起朋友，我太太都认识对方，大家亦是好朋友，她看了报道后都笑了很久。」