日前，陈冠希被爆搭上内地模特儿秦舒培，两人被拍到当街揽腰热吻，更一齐返酒店过夜。其后，秦舒培被老公赵磊踢爆尚未离婚，令陈冠希被指搞人老婆。对此，秦舒培喺微博发文还击，佢话去年已同赵磊签字离婚，更大爆对方将自己用过嘅「二手」名牌衣服同包包，送畀新嘅女朋友。双方喺网上互数对方不是，确实係精彩！

陈冠希家姐陈见飞贴出家庭合照力撑陈冠希。

噚日，秦舒培喺网上留言：「麻烦你在发声明之前让你女朋友把穿我的衣服和拿我的包包拍照的微博全删了，怪不得东西一直都不愿意还给我。」不断暗串自己前夫。其后，陈冠希家姐陈见飞亦喺网上贴出一张家庭合照，相中除咗陈冠希同秦舒培外，仲有陈冠希嘅爸爸、妈妈！原来陈冠希一早已带女友见家长，睇嚟两人嘅感情真係打风都打唔甩。

陈冠希同秦舒培被拍到当街热吻，因而恋情曝光。