郑秀文（Sammi）喺马来西亚连开两场「Touch Mi郑秀文世界巡迴演唱会」，全场爆满。喺演唱会上，Sammi以〈Bang Bang Bang〉、〈萤光粉红〉和〈煞科〉等劲歌热舞揭开序幕，其后换上多套全新战衣，令粉丝嘅相机闪过不停。演出期间，有粉丝送上鲜花同礼物，其中一张大型心意卡更用咗Sammi做完运动，满头大汗嘅相配上「Never Give Up」字句，寓意佢嘅坚毅意志係粉丝嘅好榜样。

当唱出〈不要惊动爱情〉时，Sammi自嘲40岁先嫁得出，呼吁单身粉丝要耐心等候爱情来临。其后，台下有位男歌迷特别激动，动作和叫声都异常夸张，Sammi见到就话：「呢位肥仔好激动喎！係咪因为见到我嘅靓腿呢？」呢次马来西亚演唱会，Sammi获旧同学前来捧场，仲送咗榴槤蛋糕畀佢。演唱会结束后，Sammi就切榴槤蛋糕庆功，仲拍片放上网同粉丝分享喜悦。

郑秀文喺演唱会上换上多套全新战衣。

演唱会一开场，郑秀文以多首快歌揭开序幕。