现年45岁嘅锺丽缇经历过两段婚姻，并育有三名仔女。去年，佢同细12岁嘅内地男星张伦硕，因合作湖北卫视真人节目《如果爱2》挞着，发展「姐弟恋」。日前，喺《如果爱3》节目录影现场，张伦硕突然向锺丽缇求婚，又惊又喜嘅锺丽缇大声回应：「我愿意！」其后，张伦硕冲上前揽住锺丽缇亲吻，场面十分感人。

喺节目录影现场，张伦硕突然单膝下跪向锺丽缇求婚。

锺丽缇同张伦硕参与真人节目《如果爱3》录影，早有準备嘅张伦硕喺节目录影中突然拎出戒指并单膝下跪，喺镜头前对着锺丽缇情深地说：「你愿意嫁给我吗？」锺丽缇则大声回应：「我愿意！」两人喺双方家长同仔女嘅见证下完成浪漫嘅求婚仪式。事后，锺丽缇话：「同张伦硕一齐一年喇！佢係一个好负责任嘅男人，好多谢呢个电视节目，令我可以搵到真爱。」

求婚成功后，张伦硕冲上去揽住锺丽缇亲吻。