郑秀文（Sammi）开唱掀起全城抢飞热潮，为咗畀更多歌迷能入场欣赏演出，Sammi同主办单位商讨后，决定每人限买四张飞。近日，网上疯传许志安（安仔）同黎明30年前嘅旧合照，仲笑安仔个样好傻。对此，Sammi话：「纯讲笑嚟睇，许志安真係要反省下，佢后生嗰时似笠咗丝袜出街，好彩之后五官开番，冇咗嗰丝袜样。睇我几伟大，笠丝袜样都唔介意。」

郑秀文笑老公许志安以前个样好似笠住丝袜出街。

除咗被网民嘲笑，就连老婆Sammi都笑埋一份，其实安仔都几惨猪！不过，安仔似乎毫不介意，佢仲喺Instagram贴出当年同黎明世纪合照时着嘅Benetton卫衣相，佢话：「想不到这件衣服陪伴我30年，穿上它，温暖仍在。」唔少网民见到都大讚安仔係长情好男人，连30年前嘅旧衫都保存至今，亦有人留言表示：「期待安仔同黎明重新演绎30年前世纪合照！」

许志安同黎明30年前嘅旧合照惨被网民嘲笑。