郑秀文（Sammi）为9月举行嘅演唱会进行宣传。大会宣布Sammi继续称霸红馆，踏足红馆20年创下81场演出纪录。问到呢次演唱会有冇谂过叫老公许志安上台，同粉丝打声招呼？Sammi就话许志安其实每次都喺后台，但上台就应该唔会。其实每次Sammi嘅演唱会都会涌现大量黄牛党买飞，今次都唔例外，消息传出后网上就已经有炒价飞卖！

郑秀文喺网上宣布9月举行嘅演唱会开始公开发售。

郑秀文「Touch Mi Part 2 演唱会」喺今日（20日）正式公开发售，不过噚日就已经有排队党出动，抢佔唔同售票处嘅前排位置，真係想买张飞都有难度，而网站上780元嘅飞就卖到3,000元一张。为咗安抚粉丝嘅情绪，Sammi噚日就拍咗两条短片放上网，向粉丝道歉，而Sammi就用咗呢期最Hit嘅Angry Bird造型现身，的确搞笑。

郑秀文化身成Angry Bird，向粉丝道歉。