曾出过两张唱片嘅胡杏儿，最近现身内地歌唱节目《跨界歌王》担任参赛嘉宾，更现场挑战英国巨肺歌后Adele嘅名曲〈Someone Like You〉。喺试唱环节时，杏儿表现失準，更被评判之一嘅黄韵玲批评用错方法，完全冇感情。但经过评判商议后，决定畀杏儿上舞台继续唱，之后杏儿唱得非常投入，最后顺利过关之余，更获另一评判巫启贤大讚。

胡杏儿最近现身内地歌唱节目《跨界歌王》，担任参赛嘉宾。

节目播出后，杏儿演唱〈Someone Like You〉嘅片段喺网上疯狂洗版，唔少网民都大讚佢唱得好。噚日，杏儿喺Instagram发文多谢大家嘅支持，佢话：「第一次面对着评委，心脏像是要从嘴巴跳出来，我觉得彩排时永远比现场发挥得好一点，这是我的毛病。」杏儿话自己真係好锺意唱歌，好多谢《跨界歌王》呢个节目令自己可以重拾呢份心跳嘅感觉。

胡杏儿挑战Adele名曲〈Someone Like You〉，唱得非常投入。