荷里活电影《非常盗2》除咗由麦克雷法路、谢西艾辛堡、活地夏里逊及戴夫法兰高等原班人马演出之外，仲加入大量亚洲元素，唔单止搵嚟周杰伦饰演魔术道具店老闆，更拉大队嚟到澳门取景拍摄。电影于北美地区上映至今大收4,000万美元（约澳门币3.2亿）票房，而电影即将喺内地开画，相信将带挈全球票房进一步上升。

导演朱浩伟同麦克雷法路喺北京出席《非常盗2》记者会。

噚日，凭「变形侠医」一角深入民心嘅麦克雷法路，同美籍华裔导演朱浩伟喺北京出席《非常盗2》记者会。麦克雷法路除咗不断讲普通话搞气氛外，更即场着上唐装衫学耍太极，冧得现场观众非常开心。喺接受採访时，麦克雷法路对有份演出嘅周杰伦讚不绝口，佢话：「他（周杰伦）是电影最大惊喜，我知道他在中国是超级巨星，一开始合作时还有些紧张。他在现场很专业，演技很自然。」

麦克雷法路因唐装尺寸太细所以着唔落，场面搞笑。