现年36对嘅演员白只凭电影《踏血寻梅》夺得今届香港「金像奖」最佳男配角同最佳新演员，演技备受肯定。日前，白只被爆同22岁嘅《狂舞派》女主角颜卓灵拍拖，两人被拍到于茶餐厅撑完枱脚后，喺公园当街激吻。消息传出后，颜卓灵于facebook贴出同白只嘅鬼马合照，大方承认恋情。其后，白只甜蜜回应话：「We are so blessed！」

颜卓灵贴出同白只嘅鬼马合照，大方承认恋情。

噚日，白只同女友颜卓灵一齐现身上环拍摄新戏《今晚打丧尸》。虽然係公开恋情后首度现身，但两人都毫不忌讳一齐接受访问。白只话两人拍拖已经一段时间，仲话自己未过试用期。讲到两人被拍到当街激吻，白只解释：「我哋唔係招摇，只係好似一般情侣咁冇乜避忌。」白只仲话视女友为结婚对象，佢话：「我哋对呢件事都好认真，要做嘅我哋都按部就班进行当中，亦希望呢段关係一生一世。」

白只视颜卓灵为结婚对象，希望两人嘅感情可以一生一世。