近日，胡杏儿喺内地歌唱比赛节目《跨界歌王》，先后表演过Adele嘅〈Someone Like You〉同张惠妹嘅〈原来你甚麽都不想要〉，虽然胡杏儿获得嘅评价好坏参半，但佢就一于少理，仲喺最新一集入面挑战被翻唱多次嘅〈爱如潮水〉。噚日，胡杏儿彩排时唱出〈爱如潮水〉嘅短片喺网上曝光，有网民大讚好听，但亦有网民话好怪，评价同样一半一半。

噚日，胡杏儿喺微博话：「〈爱如潮水〉是我很喜欢的一首歌，虽然这次没能完整地唱给你们听，但正如我之前所说，来《跨界歌王》是抱着分享、成长的心态，有进步有挫折反而更加多姿多彩，希望下一次能让你们听到的是更好的胡杏儿！」对于未能唱晒成首歌就被评判叫停，胡杏儿就解释呢首歌个Key有啲高，对佢嚟讲似乎有啲难度。

胡杏儿就话呢首歌个Key有啲高，对佢有啲难度。

胡杏儿挑战〈爱如潮水〉，但唱咗半首就被叫停。