早前，邓紫棋（G.E.M.）因为将Beyond嘅〈喜欢你〉改编成电子舞曲，而被网民批评。不过，G.E.M.就好似冇乜理会，皆因佢继续去改编其他歌曲，而今次嘅对象就係Big Bang成员太阳嘅独唱歌〈Eyes, Nose, Lips〉！G.E.M.就话虽然自己唔识韩文，但第一次听到呢首歌已经好有画面，所以就特别为呢首歌填咗个中文歌词！

邓紫棋喺网上公开佢嘅改编作品〈红蔷薇白玫瑰〉。

G.E.M.喺网上公开佢嘅作品之后，短短两个小时就已经有过千名粉丝分享，以及过万嘅按讚及浏览。G.E.M.今次以略带沙哑嘅声线唱出呢首令人心碎嘅歌，仲将翻唱歌改名为〈红蔷薇白玫瑰〉。虽然有粉丝话歌曲变成中文后，感觉有啲唔惯，但亦有粉丝话太阳嘅韩文版本同G.E.M.嘅中文翻唱各有特点，仲希望两人可以喺音乐上有交流。

有粉丝就希望邓紫棋可以同太阳互相交流音乐。