早前，余文乐（乐仔）参加内地真人节目《我们相爱吧》第二季，同细十岁嘅内地女星周冬雨演出假想情侣，因而喺内地人气急升。乐仔喺节目中嘅「深情大叔」形象，除咗俘虏一班少女粉丝，更获得内地知名导演冯小刚垂青，邀请乐仔参与佢自导自演嘅电影《手机芯战》，令唔少粉丝都十分期待两人嘅对手戏。

余文乐贴出同冯小刚喺片场嘅合照否认不和传闻。

噚日，有消息指首度合作嘅两人喺北京片场为剧本问题起争执，仲话冯小刚喺现场嬲到成块脸都红晒，最后更喺乐仔面前怒撕剧本。消息传出后，即时成为热话。随后，乐仔喺微博贴出一张同冯小刚喺片场嘅合照，仲话：「与冯导首次合作拍片，收穫很多。」相中见到冯小刚单手搭住乐仔膊头，两人言谈甚欢，气氛融洽，令不和嘅传闻不攻自破。

余文乐同周冬雨演出假想情侣，俘虏咗一班内地少女粉丝。