噚日，婚后嘅吴雨霏（Kary）着上平底鞋现身活动，有记者就发现佢个肚微微隆起，孕味极浓！不过，Kary就否认怀孕，佢仲话同老公出埠旅行三个星期，身形反而瘦咗好多。问到係咪因为有咗BB所以冇乜胃口？Kary就话：「大家太敏感啦！」记者再追问为何着平底鞋？Kary只係简单答：「係Fashion！」

吴雨霏出席活动，被问到同老公嘅近况。

Kary今次同老公出埠，走访英国、美国同加拿大等地，虽然有时差，但两人都好享受二人世界。Kary讲：「好搞笑，我去旅行时好多人问我係唔係要退休，我只不过话今年唔出碟，冇话唔唱歌，今年唔出可以下年出。」问到如果出年有BB，会唔会影响出碟？Kary笑住咁答：「我嘅计划好随心，但想享受下二人世界。（旅行时不设防？）冇乜特别……好Enjoy，都有食蚝和饮酒。」