近日，香港九龙湾迷你仓大火，造成两名消防员先后殉职嘅悲剧，演艺界就发动「向消防员致敬打Tag自拍」行动，但被网民质疑造Show。其后，青葵公路又发生的士撞死两名修路工人嘅惨剧，其中一名死者遗下妻女，当中幼女仲罹患血癌。筹备紧下月澳门演唱会嘅黎明（Leon）睇到新闻后，即时捐出50万，希望能够帮助殉职嘅消防员，以及意外死亡嘅修路工人家属。

黎明正筹备紧下月喺澳门举行嘅演唱会。

据了解，Leon今次係以匿名人士方式，透过慈善基金捐款。有知情人士就话：「我想讲呢件事出嚟……虽然钱唔係万能，但几个家庭冇咗爸爸，冇咗老公真係好惨，知道黎明做咗善事，好想讚扬佢。」消息曝光后，有媒体致电Leon经理人公司求证，但对方就表示：「不回应」。虽然Leon今次做善事好低调，但唔少网民都大讚佢有爱心。

黎明捐出50万，帮助殉职消防员及意外死亡嘅修路工人家属。