近日，吴业坤（坤哥）打低其他一线歌手，成功取得8月暑假档期喺红馆举行首个演唱会。消息传出后，有网民就取笑佢只得七首作品唔够歌唱。对此，坤哥出席活动时就大放豪言：「一日都卖晒（飞）啦！」即被网民直指嚣爆。事后，坤哥自觉濑嘢，即时喺Facebook贴出一张戴头盔嘅相，强调自己只係讲笑，佢话：「我以后唔再讲笑，因为唔好笑。」

被网民批评嚣张后，吴业坤戴「头盔」强调自己只係讲笑。

噚日，坤哥现身电台宣传新歌〈被单身的人〉同下月喺红馆举行嘅个唱。佢话而家拍剧同演唱会彩排同时进行，好多谢剧组畀时间佢为个唱作準备。讲到日前自夸门票「一日卖晒」被网民批评嚣张，坤哥就话自己非常后悔，佢话：「会警惕自己，以后讲笑会睇场合。知道祸从口出，而家会小心讲嘢。呢个骚嘅背后有好多人，所以自己讲嘅嘢有可能连累埋佢哋。」

吴业坤话以后讲笑会睇场合，唔会再乱讲嘢。