美国百变天后Lady Gaga同美剧《吸血新世代》男星Taylor Kinney，喺2011年合作拍摄MV挞着。去年情人节，Taylor向Gaga求婚成功，当时Gaga兴奋喺Instagram公布喜讯，并大晒心型订婚钻戒。噚日，美国媒体大篇幅报道话两人已于本月月初分手，仲话佢哋近年聚少离多，「远距离」係导致分手嘅主要原因。而Gaga连日喺社交网站贴出嘅相，见到佢已经冇戴订婚戒指。

今年年初，Lady Gaga仲高调大晒订婚钻戒放闪。

消息传出后，Gaga喺Instagram承认同Taylor已经分手，佢话一直相信同Taylor係灵魂伴侣，但工作的确有影响佢哋嘅关係。Gaga话：「和所有情侣一样，我们感情也会经历高低起跌，现在暂时分开。我们都是很有野心的艺术家，想在远距离和紧密的形成下，尝试继续去延续我们简单的爱情。请继续支持我们，我们就像其他人一样，以及我们真的很爱对方。」

Lady Gaga承认同Taylor已经结束五年情。