「台湾小旋风」林志颖近日参与拍摄内地浙江卫视节目《熟悉的味道》，当中就讲到佢已经离世嘅父亲。节目初头，主要係讲林志颖对父亲嘅回忆，当中包括佢下厨煮饭畀爸爸食同埋录低爸爸锺意听嘅歌。虽然睇落好似几温馨，但节目尾声製作组就搵人化上特技妆，扮林志颖过咗身嘅爸爸，搞到林志颖要即时暂停节目拍摄！

喺节目尾声，製作组安排咗一个同林志颖爸爸非常似样嘅人现身，由于经过特技化妆，所以都几可乱真！林志颖望住呢位「爸爸」五秒后，即时要求暂停节目拍摄，然后跑去后台，疑似係忍唔住泪水。事后，林志颖就话完全冇意料到会有一个同自己爸爸咁似嘅人出现，所以脑中一片空白，唔知讲乜嘢好。不过，有网民就话製作组嘅做法好有问题，为咗收视完全唔理林志颖感受。

製作组搵人化上特技妆，扮林志颖过咗身嘅爸爸。

林志颖拍摄《熟悉的味道》，讲到佢已经离世嘅爸爸。