以恐怖惩罚而出位嘅ViuTV清谈节目《晚吹：真PK》，最新一集请嚟啱啱推出写真嘅性感女星崔碧珈担任嘉宾，结果崔碧珈要喺镜头前饮老鼠酒兼食老鼠，当堂流泪。在节目中，两位主持需要问嘉宾指定问题，获得嘉宾回答便算赢，输嘅一方就要接受恐怖惩罚。两位主持就先后被罚用鲍鱼刷刷走身上的贴纸、Wasabi射屁屁，以及啜崔碧珈脚趾。

崔碧珈要喺镜头前饮老鼠酒兼食老鼠，当堂吓到喊。

到节目最后，两位主持和崔碧珈因没有完成要求，所以三人都要接受终极大惩罚，先是崔碧珈要饮老鼠酒兼食里面嘅小老鼠，结果佢当堂吓到喊，最终佢都成功将小老鼠放入口咬烂，然后再饮一啖水吞下。至于两位主持火火和KB，就要在四肢套上载着活曱甴嘅胶袋，然后踩死里面嘅曱甴，既疯狂又恐怖。

主持KB原本被罚啜崔碧珈脚趾，但其后被换上另一名男工作人员嘅脚趾代替。