「栏王」刘翔自去年退役后，一直专注于公益事业上，直至今年5月，佢成立自己嘅工作室有意进军娱乐圈。近日，刘翔同表弟吉龙祥一齐参加内地真人竞技节目《极速前进》第三季，同前奥运跳水冠军郭晶晶及其老公霍启刚等人比赛争冠军！虽然比赛刚播出两集，但各组都已经施展出浑身解数瞓身演出，喺最新一辑预告片中，刘翔更Cosplay扮美少女战士。

刘翔同表弟吉龙祥一齐参加内地真人竞技节目。

喺预告片中，刘翔化咗个大浓妆、戴住金色假髮同着住水手服，化身成美少女战士中嘅「月野兔」，一脸茫然咁坐喺东京街头嘅栏杆上。当发现有镜头对住自己时，刘翔十分抗拒话：「拍我干吗？不要拍我。」虽然镜头只係出现短短三秒，但已成功引起网民热烈讨论，有唔少粉丝都话刘翔为咗节目博到尽，更有人留言表示：「刘翔你是怎么了？生无可恋了吗？」

刘翔扮美少女战士中嘅「月野兔」，令唔少网民都大吃一惊。