昨日，古天乐（古仔）及刘青云为宣传新戏《危城》，一起于电影官方Facebook专页和网民玩Live直播。有网民叫古仔再开金口唱歌，古仔见到即嬲猪表示自己已金盆洗手多年。问到两人最想邀请哪位演员加盟演出？古仔就搞鬼叫刘青云搵老婆郭蔼明出山演情妇，令刘青云即场爆笑。

古天乐同刘青云于Facebook专页和网民玩Live。

在大约五分钟的互动时间中，最多网民留言表示想听古仔再开金口唱歌，古仔即笑言：「我金盆洗手咗好耐。」其后，有网民叫他和刘青云下次一起合唱电影主题曲，更有人表示好挂住古仔的旧歌〈男朋友〉，古仔见到即嬲猪表示：「呢位朋友，你冇病吖嘛？唔好搞啦！」一旁的刘青云则一脸正经说：「我係唔唱歌㗎！」

刘青云直言同古仔唔熟

近年，古天乐与刘青云经常合作，两人坦言感觉「好鬼闷」。有网民问两人有没有试过意见不合嗌交？刘青云笑言：「其实我哋唔係好熟，除咗拍戏之外，大家冇乜点讲嘢，冇机会嗌交。」当被问到两人皮肤为何一直都很黑时，古仔表示：「係灯光问题，我长期灯光唔够，先令大家觉得我咁黑。」

直播20年前录定？

问到如果担任导演，两人最想邀请哪位演员加盟演出？刘青云表示不用邀请了，因为已经冇位再加人。身旁的古仔即搞鬼提议：「可以加郭蔼明做你情妇。」谈及两人下次希望拍动作片还是搞笑片时，刘青云说：「动作片好啲，搞笑片好辛苦㗎。」最后网民问两人如何保持20年如一日？刘青云幽默表示：「其实呢个直播係20年前录定嘅。」

古天乐鬼马提议刘青云搵老婆郭蔼明出山演情妇。