胡杏儿自参加内地歌唱节目《跨界歌王》以嚟，一直受到唔少批评。继上次唱〈Someone Like You〉同〈爱如潮水〉唱到面容扭曲后，杏儿喺表情拿捏方面有咗好大改进，歌艺亦进步唔少。日前，杏儿翻唱电影《我的少女时代》主题曲〈小幸运〉，但版本就有啲唔同，因为杏儿係唱粤语版，令唔少网民都眼前一亮。

胡杏儿献唱〈小幸运〉粤语版，令唔少网民都眼前一亮。

喺内地歌唱节目献唱广东歌，杏儿的确喺网民心目中挽回分数。不过，有网民指杏儿所唱嘅粤语版〈小幸运〉，係由高登讨论区一位名为「挽歌之声」嘅网民填词，但节目「作词」一栏只列出原词人嘅名，就冇将改词人「挽歌之声」列入该栏，网民随即炮轰杏儿「偷词」。有网民指杏儿将歌词中嘅「渗」、「遏」、「莞」等字发错音，狠批佢演出前应该做好功课，咁样先係对填词人嘅尊重。

胡杏儿唱〈爱如潮水〉走晒音不得止，个表情仲要劲痛苦。