现年35岁嘅黄宗泽（Bosco），自2012年同胡杏儿分手后，一直绯闻不断。佢先同名模杨峥传出「姊弟恋」，之后又被影到同日本模特儿Jun一齐行超市。早前，Bosco出席活动时，承认同Jun正在了解当中。噚日，有报道指Bosco瞒住Jun，暗中挞着澳门赌场高层Twin，网上更传出两人头贴头嘅亲密自拍照，仲有指佢哋经常一齐夜蒲。

黄宗泽被爆瞒住绯闻女友，暗中搭上澳门赌场高层Twin。

据报道，Bosco同Twin喺去年经朋友介绍认识，两人初时以姐弟相称，之后Bosco顺利冧掂Twin。有知情者话两人未搭上之前，Twin就已经经常去Bosco开嘅酒吧帮衬，两人经常喺VIP房撑枱脚。由于Bosco係圈中出名孝顺仔，所以Twin经常买礼物送畀Bosco妈妈，成功取得长辈嘅欢心。对此，Bosco接受访问时就否认话：「完全係看图作文，呢个係我认识咗十几年嘅契家姐！」

网上传出黄宗泽和Twin嘅亲密自拍照。