近年转战内地发展嘅「力王」樊少皇，今年元旦同细十岁嘅贾晓晨（JJ）低调结婚。噚日，有报道指樊少皇同朋友借咗一笔数百万嘅巨款，仲畀埋证件副本兼打指模。但由于樊少皇过咗期都一直唔还钱，所以呢位朋友就搵人向樊少皇追数，但樊少皇就一直冇影，就连电话号码都改埋，最后搞到畀人追数追到老婆JJ屋企，不过就叫极都冇人应门。

对此，JJ接受访问时力撑老公冇争人钱，仲强调佢哋都係受害者。JJ话：「事实上係人哋争老公钱，成件事係畀人呃，但係我哋一直冇时间去处理，不过而家我哋选择报警。」问到对方点解有晒樊少皇证件副本同指模，仲签晒欠单？ JJ就话会相信自己老公，佢话：「如果真係有啲咁嘅事，佢哋应该报警处理，始终呢个唔係小数目，唔係简单嘅事，我会搵律师处理。」

樊少皇被爆争人数百万巨款唔还钱。

贾晓晨相信老公樊少皇冇争人钱，仲强调佢哋係受害者。