日前，现年45岁嘅DJ小仪突然惊传同潮界型男余文乐（乐仔）拍拖，引嚟全城热烈讨论，搞到乐仔「O嘴」否认恋情。事后，有网民发现小仪男人缘极佳，曾经同黄宗泽（Bosco）、林峯、吴镇宇及彭于晏等多位「男神」亲密合照。对此，小仪搞鬼话：「哗！睇返啲相，我咁揽法，係过分咗！对唔住咁多位，我以后唔会㗎喇⋯⋯（不过，有啲係佢哋揽我㗎喂！）」

黄宗泽坦言同小仪十分老友，更大讚对方係贤妻良母。

喺小仪同众「男神」嘅合影中发现，佢揽得最多嘅係黄金笋盘Bosco，原来佢哋曾一齐合作过TVB剧集《情人眼裏高一D》，剧中两人更有不少亲密戏分。噚日，Bosco出席活动时，大讚小仪係贤妻良母，佢话：「瘦田无人耕，耕开有人争。」被问到自己会唔会考虑小仪时，Bosco话：「同乐仔一样喇！如果几年后都识唔到女朋友，大家咪试下，既然个个都咁讲，唔差在我喇！」

小仪男人缘极佳，曾同黄宗泽等多位「男神」亲密合照。