昨日，古天乐（古仔）和杨千嬅一起出席公开活动，两人即场炮製沙律等美食。古仔不仅持刀切青瓜，还大显身手玩Shake Shake和「抛樽」，问到拍拖时是否有女友为他下厨？古仔即扮聋听不到。另外，谈及近日被拍到当街和老公丁子高闹交，杨千嬅表示自己不会闹人，更反指古仔恶过自己。

杨千嬅否认当街与老公丁子高闹交，表示自己只会用文字「腰润」人。

在接受访问时，杨千嬅表示平时会和儿子Torres一齐整蛋糕同曲奇。问到老公丁子高的厨艺如何？杨千嬅坦言老公好锺意下厨，她说：「佢厨艺都几掂，不过男人煮嘢，就唔好要求佢洗碗同执手尾，次次都好似打完仗咁，成地都係嘢。佢最劲係试过煲鱼肉粥，虽然鱼肉係姐姐拆嘅。」

古天乐和杨千嬅一起出席公开活动，两人即场炮製沙律等美食。

古仔被问感情事即扮聋

古仔自爆煮嘢食对自己来说有难度，他说：「西餐好少少，中菜完全唔识。妈咪都係好后期先学中菜，我係食牛扒同薯条大嘅。」古仔透露身边有好多朋友就像大厨般厉害，不过全部都是男仔。当问到女友是否为他下厨时，古仔即扮聋听不到，不停说：「咩话？」再问女友识煮嘢食会否加分？古仔听毕又借妈妈过桥：「我阿妈煮嘅当然加分！」

当被问到感情事时，古天乐即扮聋听不到。

杨千嬅否认当街闹老公

近日，杨千嬅被拍到当街黑脸和丁子高闹交，被指恶妻上身。对此，杨千嬅否认表示：「我好恶咩？我唔会闹人，锺意『腰润』人。我唔会用音量同声线，只会用文字。」其后，杨千嬅又拖身边的古仔落水：「佢个样仲恶过我喇。平日喺街上有意见不合都唔会嘈，我冇乜所谓，总之唔使我谂嘢就得。」