最近拍得如火如荼嘅荷里活电影《狂野时速8》，原本仲有个零礼拜就可以顺利煞科。日前，主角之一嘅狄维庄逊于Instagram 突然发火，大骂戏中某男拍档诸多推搪，一啲都唔专业。消息曝光后，唔少网民猜测狄维庄逊针对嘅，係今集新加入嘅名导演奇连伊士活儿子Scott Eastwood。但势估不到，其实狄维庄逊唔妥嘅係身兼演员同监製嘅大只佬云狄素。

《 狂野时速8》原本就快埋尾，点知搞出个大头佛。

据美国娱乐网站TMZ报道，云狄素作为电影监製，作出嘅决定令狄维庄逊非常不满，而且两个人分歧愈嚟愈大，加埋双方自尊心都好强，搞到现场气氛好紧张。原本电影正进入埋尾阶段，但因为两人矛盾加深，令电影陷于停机状态。

报道指狄维庄逊爆大镬后，云狄素有搵佢开会，尝试解决问题，但就唔知有冇倾掂数，仲话而家成个剧组都不满狄维庄逊，事关佢喺拍摄尾声搞出个大头佛。

狄维庄逊（右）突然发火大骂身兼演员同监製嘅云狄素。