日前，吴业坤（坤哥）首度喺香港红馆举行演唱会，获许廷铿、黄伟文、胡鸿钧、林奕匡、郑融、陈志云、刘佩玥、陈诗欣及谭耀文等圈中好友前来支持。个唱去到中段时，现场突然响起歌曲〈可惜我是水瓶座〉嘅音乐，之后杨千嬅惊喜现身，令坤哥激动到「O嘴」，佢话：「我冇练呢首歌喎！我以为你（杨千嬅）唔得闲嚟，我个场交畀你喇！我落台做观众先。」

吴业坤首度喺香港红馆举行演唱会。

坤哥坦言真係被千嬅惊喜现身吓亲，佢话：「之前练完首歌，导演同我讲千嬅唔得闲嚟，原来畀佢哋呃咗，头先真係以为搞错咗音乐。」杨千嬅就话：「乜你唔係好熟我啲歌嘅咩？其实我係一口应承做你嘉宾，但如果你一叫我就嚟，咁我咪好冇面！」当坤哥叫千嬅陪自己唱歌时，千嬅即搞鬼表示：「陪你唱？我好贵㗎！」之后，两人深情合唱牵起全晚最高潮。

杨千嬅惊喜现身担任嘉宾，吴业坤激动到「O嘴」。