内地男星王宝强同马蓉嘅离婚风波成为全城热话。噚日，事件又有新进展，有网民爆出王宝强工作室嘅营业执照遗失，就连公司盖章、财务章同法人章都唔见埋，令唔少人怀疑係被马蓉拎走。而另一边厢，马蓉方面就反指婚内出轨嘅其实係王宝强，并公开对方同一名女子嘅偷食证据，仲话王宝强嘅银行户口明明有钱，但就故意借钱打官司，暗指佢扮穷打「同情牌」。

有传王宝强工作室嘅营业执照遗失，令人怀疑係被马蓉拎走。

对于被指同宋喆联手转移王宝强公司财产，马蓉话自己係透过王宝强认识宋喆，强调两人并无不正当关係，仲话王宝强嘅银行账户明明有190万人民币，但就借钱畀诉讼费，疑似搏同情。对此，王宝强身边嘅友人出面证实王宝强曾喺律师陪同下，前往多间银行亲自查看帐户余额，但发现名下金额只剩十几万人民币。虽然马蓉否认同宋喆有染，但有网民曾目击佢哋喺设计公司商量装修爱巢，而且两人微博亦关注同一装修公司专页。

马蓉反指婚内出轨嘅係王宝强，并公开对方嘅偷食证据。