荷里活男星狄维庄逊（DwayneJohnson），早前突然喺Instagram 发火，大骂《狂野时速8》嘅男拍档唔专业。虽然冇指名道姓，但好快被爆出佢唔妥嘅係身兼演员同监製嘅云狄素（Vin Diesel）。虽然电影已顺利煞科，但两人仍未收火。日前，云狄素贴出一张《狂野时速》系列嘅相，仲写住包含「朋友」嘅字句，但相入面只有Tyrese Gibson、米雪洛迪古丝同已故男星保罗获加，唯独冇狄维庄逊。

狄维庄逊同云狄素因拍摄《狂野时速8》而不和。

云狄素贴完相后，又轮到狄维庄逊发功，佢喺Instagram发文感谢导演F. GaryGray、电影公司，同埋一班日以继夜拍摄嘅演员，当中包括：名导演奇连伊士活儿子ScottEastwood、Nathalie Emmanuel同TyreseGibson，但就对云狄素只字不提。两个大只佬不和到出晒面，有网民认为佢哋作为演员唔够专业，亦有唔少粉丝担心两人不和会影响到《狂野时速8》上映。

云狄素贴相，独欠狄维庄逊一人。