早前，吴镇宇为自编自导自演嘅新戏《费曼的夏天》，喺香港旺角封街拍摄，点知遭一名黑衣男收陀地，除咗挡喺路中间阻碍拍摄，更高空掷物，导致三名工作人员头部受伤，令拍摄一度终止。事后警察到场制伏黑衣男，拍摄先可以继续。完成旺角飞车场面后，吴镇宇又移师到铜锣湾闹市，同吴志雄拍摄「晒马」嘅重头戏。

完成飞车场面后，吴镇宇移师到铜锣湾拍摄「晒马」重头戏。

噚日，吴镇宇戴住口罩现身铜锣湾广场附近，其后进入一幢唐楼同吴志雄密斟。未几，见到吴志雄同300名黑衣人齐集马路中间「晒马」，而吴镇宇亦换上西装带住一班人马同吴志雄对峙，重现《古惑仔》嘅「晒马」经典场面，引嚟过百市民围观及拍照。由于当时未有封路，数百黑衣人「晒马」嘅场面，一度吓到街坊报警，事后有警察到场了解。

吴镇宇同吴志雄喺马路中间斗「晒马」，吓到街坊报警。