现年39岁嘅台湾前男子组合F4成员言承旭，日前出席朱孝天喺峇里岛举行嘅梦幻婚礼，亲眼见证好兄弟嘅幸福时刻。作为F4最后一个黄金单身汉，言承旭承认对婚姻有渴望，佢话：「有一股想推开大家去接花球的冲动。」言承旭同林志玲虽然已分手多年，但依然係粉丝心目中嘅金童玉女。另外，近日传出言承旭搵嚟林志玲经理人帮手，所以令外界联想佢哋有望因而再续前缘。

言承旭（右）出席朱孝天嘅婚礼，承认对婚姻有渴望。

林志玲好友林心如同舒淇先后传出婚讯，唔少网民都希望林志玲早日搵到幸福。日前，林志玲出席活动时，坦言闪婚係人生嘅下一个目标。而另一边厢，言承旭亦十分有默契咁话：「你要期待，未来就一定会有很多的好事情发生。」不过，言承旭澄清搵阎柔怡做经理人，唔係由林志玲牵线，而係透过朋友介绍。问到同林志玲有冇机会复合？言承旭就拒绝回应。

舒淇同林心如先后传出婚讯，网民都希望林志玲早日搵到幸福。