韩国男团EXO前中国籍成员吴亦凡（Kris），同前经理人公司SM娱乐倾掂解约后，名正言顺喺内地发展，人气高企。虽然早前佢爆出约炮、床照等风波，但粉丝都依然力撑偶像。不过，近日Kris再次惹是非，佢先被内地《人民日报》点名批评演技差，之后又有圈内人于微博爆料，指Kris两年内内换咗成十个经理人团队，暗指佢认真麻烦难搞。

吴亦凡被指两年内换咗成十个经理人团队，认真麻烦难搞。

日前，内地知名经理人曾鹏宇喺微博爆料，话一名刚回内地发展嘅「小鲜肉」又撤换经理人团队，佢话：「两年内第十个经理人团队被炒，也算是前所未闻的业界奇观。」消息曝光后，不少网民将矛头直指Kris。虽然EXO另外两位中国籍成员鹿晗同黄子韬亦都有可能，但有网民指鹿晗回国后未换过经理人团队，而黄子韬就一向都係由爸爸帮佢处理事务，所以外界都猜测曾鹏宇所讲嘅係Kris。

网民觉得曾鹏宇所讲嘅「小鲜肉」并非鹿晗（左）及黄子韬。