昨日，余文乐（乐仔）与雷颂德、卢凯彤等一起出席公开活动。问到乐仔早前放长假有否出埠？乐仔笑言一星期不算长假，但有和友人去旅行放鬆一下。谈及有报道指乐仔嫌片酬低，拒接蔡卓妍（阿Sa）自编自演的新戏，最终阿Sa找了他的「死敌」周柏豪顶替。对此，乐仔表示是公司筛选剧本，并强调自己不用看钱做人。

放假一段时间后，余文乐出席公开活动复工。

早前，有报道指阿Sa自编自演的新戏《原谅他77次》，原本有意邀请乐仔担任男主角。不过，有传乐仔嫌片酬低，连剧本都未睇就一口拒绝，最后阿Sa把心一横找来他「死敌」周柏豪代替演出。对此，乐仔否认表示：「唔关事，我而家做嘢唔係计较钱，之前都试过有好嘅项目一蚊都冇收，拍戏最紧要睇剧本。」

余文乐表示放假期间，和友人去旅行放鬆心情。

由公司筛选剧本

乐仔表示会由公司先筛选剧本，他说：「我同公司有共识，要适合自己嘅先接，同埋我一年最多拍两部戏，想放多啲时间专注做嘢，呢啲要取捨。」乐仔承认早前有收过阿Sa的讯息，他解释：「我唔会睇晒所有剧本，公司帮我筛选好先同我讲。之前阿Sa有打过畀我，佢话迟啲先讲详情，但到我再打畀佢，佢冇再Update件事。」

余文乐否认嫌片酬低推阿Sa新戏，强调自己不用看钱做人。

认为唔需要解释

对于报道指阿Sa十分不满，因此才找乐仔「死敌」周柏豪顶上，乐仔说：「咁梗係咁写，唔係点出新闻，我当然希望佢哋拍摄顺利，拍戏换人好平常，临时有变化，可能会造就新火花出现，到时上映一定去捧场。」问到会否致电阿Sa解释事件？乐仔表示：「唔需要解释，大家做嘢都知唔係为钱，适合自己最紧要。」

有指余文乐拒绝演出后，阿Sa找来周柏豪代替演出。