40岁嘅舒淇同42岁嘅冯德伦，日前突然宣布婚讯，仲发出咗一辑结婚相。据了解，两人相识20年，拍拖四年后终于修成正果，而冯德伦就以三卡BVLGARI钻戒向舒淇求婚成功。目前，两人正喺捷克拍新片，而且对婚讯非常保密，亦唔打算喺亚洲摆酒，而结婚当日现场亦唔够20人见证！不过，专程飞到当地送女儿出嫁嘅舒淇妈妈，就感动到喊。

舒淇同冯德伦发出咗一辑结婚相，证实两人已婚。

目前，舒淇正喺捷克拍摄冯德伦执导嘅《侠盗联盟》，即使係身边嘅剧组人员，事前对婚事都全不知情，製片张家振仲话：「他们真是好神秘，瞒过所有人，每天都开工，居然可以搞到结婚！」噚日，有台湾媒体就访问舒淇，但舒淇就拒绝透露边一日结婚，佢话：「我们对感情的事情都想保留自己的私隐，这点小秘密就让我们收着啰！」问到係咪喺捷克结婚？舒淇亦无证实，的确够晒神秘。

问到係咪喺捷克结婚？舒淇就拒绝透露。