年轻版「磁力王」米高法斯宾达（Michael Fassbender）主演嘅新戏《刺客教条》将于今年圣诞期间喺澳门上映。该片由《复仇勇者》、《侏罗纪世界》特技班底天价打造，今次米高法斯宾达同奥斯卡「金像奖」影后玛莉安歌娜（MarionCotillard）携手合作。佢喺片中一人分饰两角，解密基因记忆，穿梭时空，游走喺15世纪嘅西班牙同现代，以「刺客」身份同死敌「圣殿骑士团」展开终极对决。

米高法斯宾达同玛莉安歌娜携手合作新戏。

电影《刺客教条》改编自人气电玩游戏，生活喺现代嘅米高法斯宾达，透过科技解开基因记忆，意外发现自己係神秘组织「刺客」嘅后代。喺获取惊人技能之后，佢肩负对抗现代「圣殿骑士团」嘅使命，反抗专制压迫。今次米高法斯宾达一人演两角，分别饰演古代刺客阿基拉及生活喺现代嘅后裔Callum。对此，米高法斯宾达话：「刺客和圣殿骑士都有各自的灰色地带，绝不是非黑即白的好坏之分，这就是电影设定最迷人之处。」

喺片中嘅所有打斗场面，米高法斯宾达都亲身上阵。