王菲相隔五年复出舞台，将于今年12月30日喺上海举行一场演唱会，天后「出山」当然备受瞩目，一众粉丝都要想尽办法扑飞。不过，最让网民期待嘅，係想睇到佢同大女窦靖童（童童）同台合唱！童童遗传咗王菲同爸爸窦唯嘅音乐天分，今年推出嘅音乐作品均大受好评。虽然唔少网民都希望两母女同台合唱，但据闻王菲冇呢个打算，反而会考虑翻唱童童嘅作品。

王菲十分抗拒同女儿同台，唔想将两人关係用作商业用途。

除咗同台演出之外，仲有唔少广告商打王菲同童童「母女档」嘅主意。日前，有手机品牌邀请佢哋一齐拍摄广告，虽然只係简单几句对白，但酬劳已高达5,000万人民币（约澳门币6,000万），可惜王菲不为所动，一口拒绝！虽然王菲十分抗拒同童童同台，但两母女感情一直十分要好，王菲私底下亦非常支持女儿，只係唔希望太过高调将两人关係用作商业用途。

网民希望喺王菲年尾嘅个唱上，睇到佢同窦靖童同台合唱。