台湾《那些年》男星柯震东走出吸毒事件阴霾，带埋新作《再见瓦城》出战「第73届威尼斯影展」。虽然新戏喺当地获得一致好评，但唔知係咪因为压力爆煲？柯震东行红地毯时，被拍下脸色憔悴、露出皱纹嘅相，引嚟外界讨论。唔少网民都认为佢係因为吸食毒品先搞到皮肤咁差，更有人留言话：「颜值直线下降，简直可以当成禁毒宣传片了。」

柯震东被拍下脸色憔悴、露出皱纹嘅相。

对于外界嘅种种猜测，柯震东于微博贴出素颜自拍照作出回应，佢话：「我过敏的脸又肿又烂，但为了努力拍摄的电影终于上了国际影展，我就会面对所有的问题，这就是原因，声音太多，我无法阻止，所以就学着静静的奋斗静静的承担。」相中柯震东脸部红肿，唔少粉丝见到都十分心痛，纷纷留言劝佢好好休息，亦有网友提供唔少处理过敏嘅方法，希望佢早日康复。

柯震东贴出嘅自拍照脸部红肿，过敏情况非常严重。