古天乐（古仔）同张智霖（Chilam）主演嘅新戏《S风暴》，将于本月14日正式上映。日前，两人一齐接受媒体访问，古仔透露今次有好多动作戏，但枪战就以Chilam为主。问Chilam拍枪战感觉如何？佢话：「以前曾经拍过，但今次自己冇乜留心，被爆破弹炸伤眼眉，最后要去鏠针，所以要时刻打醒12分精神，整到自己係抵死，但最惊係连累埋其他人。」

古天乐同张智霖主演嘅新戏，将于本月14日正式上映。

讲到另一场飞车戏，Chilam坦言而家谂番都觉得危险，佢话：「事前导演剩係话一路向前揸就得，好似好轻鬆，点知啲车突然间係咁冲埋嚟，咁我咪剎车，导演话：『你做乜剎车？』原来係导演嘅安排，我係要揸车冲过去。」众所周知，古仔不嬲都好Cool，但其实台湾男星周渝民（仔仔）同佢有得挥。古仔话：「之前同仔仔合作过《单身男女》，佢个人比较内歛，但好有礼貌，今次佢做一个好Cool嘅杀手，好啱呢个角色。」

张智霖今次挑战大量打斗戏分及高难度飞车。