冯德伦同舒淇突然宣布闪婚，震惊整个娱乐圈。而冯德伦前女友莫文蔚（Karen）喺噚日出席活动时，就首次开腔谈论事件。Karen话一早已经传短讯祝福一对新人，佢话：「当时我喺新疆拍紧真人节目，已一早送上祝福。（对于他们结婚很惊讶？）唔会！係开心嘅事，有传短讯畀佢哋。」问到同冯德伦仲有冇联络？Karen就话因为工作问题较少见面。

莫文蔚出席公开活动，首度开腔谈论前男友冯德伦。

有记者问Karen会唔会祝贺冯德伦同舒淇添丁？Karen就笑笑口答：「随佢哋啦！我唔知佢哋有乜嘢计划喎！（会唔会约食饭？）讲咗好多次，但好难约，我成日周围飞，但我会衷心祝福佢哋。」此外，Karen今次嘅真人节目演出者包括刘嘉玲、赵雅芝同陈乔恩，问到怕唔怕咁多女神一齐演出会被比下去？Karen就话：「唔会！大家都玩到好熟，唔会介意。

莫文蔚同冯德伦06年公开拍拖，但07年就宣布分手。