郑秀文（Sammi）因受鼻敏感、喉咙发炎及咳嗽影响，导致演唱会表现失準，频频走音。日前，许志安（安仔）接受电台採访时，坦言心痛老婆抱病开唱，佢话：「肯定会担心，不过冇办法，人生就係要面对未知同不能预计嘅事，咁样先好玩。其实Sammi真係尽晒力，第三场演出已经渐入佳境。」

许志安坦言心痛郑秀文抱病开唱，仲话老婆已经尽晒力。

问到有冇为Sammi打气？安仔就话基本每场都会现身支持Sammi，但就冇谂过上台做表演嘉宾，佢话：「除咗有一晚要到外地宣传电影，其他场数都会捧场。Sammi处理得好好，粉丝都好锡佢。」讲到好友黄子华公开催促两人尽快生B，并将BB改名为「许胜不许败」，安仔笑言：「真係好搞笑！不过『许胜不许败』呢个名好难写，怕小朋友读幼稚园会有问题，罚抄自己个名就惨喇。」

黄子华喺郑秀文演唱会上，公开催佢同许志安尽快生B。