日前，PlayStation邀请12位名人大玩Cosplay，除咗曾江嘅司令造型演得维肖维妙，最令网民惊喜嘅，莫过于郑希怡（Yumiko）化身美国黑人女星Tiffany Pollard。由于该黑人女星一直係网上娱乐红人郑列琼（琼姐）嘅头像图案，原名同样叫郑列琼嘅Yumiko，今次可谓名正言顺向琼姐挑机，就连琼姐亦于Facebook专页转载照片自抽，认真搞笑。

前后总共花咗四个钟时间化妆，终于成功化身「琼姐」嘅Yumiko就搞笑咁话认唔到自己，就连佢嘅宝贝女梁浸浸都认唔出妈妈。佢喺Instagram话：「唔只梁浸浸认唔到我， 我妈妈都认唔到我，楼下看更都认唔到我。」由于Yumiko嘅造型几可乱真，就连琼姐见到都即时转贴，仲发文搞鬼咁话：「终于以真面目见大家。我係咪好索呢？ Keep唔Keep到黑妹嗰阵霸气？」

郑希怡（右）化身黑人女星，向娱乐红人琼姐挑机。

郑希怡花咗四粒钟时间，终于成功化身「琼姐」。