日前，刘德华（华仔）出席公开活动时，被问到嚟紧嘅55岁生日计划点庆祝？华仔话去年同歌迷一齐庆祝，今年希望同家人喺屋企开生日会。对于生日礼物，华仔坦言冇乜特别想要，佢话：「个女边有嘢送，咪又係我买！（画卡送畀你？）画卡都係我揸住佢只手画畀自己。」讲到生日愿望，华仔希望大家健康同平安，问到同老婆朱丽倩有冇计划追多个？华仔笑言：「呢啲事我哋好随缘。」

刘德华希望55岁生日同家人喺屋企简单庆祝。

同唱片公司约满后，华仔计划明年6月推出广东大碟：「大部分唱片公司都想我唱国语，但我好想做只完整嘅广东碟。」讲到四大天王中，今年得佢未开演唱会，华仔话计划明年举行跨年演唱会，佢话：「我决定出年，如果政府唔阻止嘅话，打算12月入纸出年嘅跨年档期，其他人争呢个期唔该让一让。我想做20场，冇加冇减。我唔敢加，做唔到好似有压力。」

除咗準备推出新碟，刘德华亦开始筹备明年嘅跨年演唱会。