今年4月，谢安琪（Kay）完成香港红馆嘅个唱，宣布停工一年，专心同老公张继聪积极「造人」。去月，Kay被拍到肚凸凸，疑似怀有身孕。日前，张继聪于微博贴出Kay嘅大肚相，承认老婆陀B女，佢话：「成日畀人问到口哑哑，终于可以好正面咁宣布一件好正面嘅事。我又做爸爸啦！我会继续爱锡太太！多谢大家嘅祝福，期待与我的小公主见面。」

身穿黑色连身裙嘅谢安琪，同张继聪现身诊所睇中医。

公布怀孕嘅好消息后，张继聪同老婆现身观塘工业大厦诊所睇中医，身穿黑色连身裙嘅Kay个肚明显凸晒出嚟，上围亦升咗Cup。佢着住厚底凉鞋，全程拖实老公只手，劲恩爱。当记者上前恭喜时，两人都笑晒口答谢。喺诊所逗留半小时后，张继聪就拎住包药同老婆离开。问到中医师点讲个胎？张继聪就话：「好健康，其实今次主要係我睇中医，因为捱得太辛苦，食中药可以操行啲做Gym。」

谢安琪全程拖实老公张继聪，劲恩爱。