早前，郑秀文（Sammi）喺红馆举行一连八场演唱会，但因为喉咙不适，影响演出失準。因为坚持演出，Sammi完咗演唱会后病情仍未好转，所以医生要佢休息一个月，而Sammi亦为咗休息推掉好多演出，包括喺上海嘅表演，不过好彩佢老友任贤齐愿意顶上，Sammi先可以休息。Sammi喺社交网站特别多谢任贤齐，对方亦回应：「Sammi身体不适，就让我来演唱！一定全力以赴！」

郑秀文完咗演唱会后需要休息一个月。

早前，Sammi接咗一个喺上海嘅演出，但由于要休息一个月，所以无法如期演出，佢预先喺微博向粉丝致歉，佢话真係要畀把声休息，所以唔可以顶硬上唱。虽然有心无力，但为咗唔好令粉丝失望，佢承诺一定会出席，而且会搵圈中好友仗义帮忙演出。噚日，Sammi就喺微博公布：「谢谢好友小齐（任贤齐）义气相挺，我请他明天来上海帮忙完成演出，看了大家留言给我们的支持，心感温暖。谢谢你们体谅，我也爱你们，我们明天晚上见！」

任贤齐愿意顶上，为郑秀文献唱。