早前，内地女星范冰冰被拍到同男友李晨，现身家乡山东烟台婚姻登记处附近，所以有传佢哋已注册结婚！而一直低调嘅李晨，近日就再被爆係隐形富豪，身家至少有十亿元人民币（约澳门币11.7亿）！不过，范冰冰同李晨喺去年于微博公开恋情后，就有网民替范冰冰唔抵，觉得李晨无论财力定係名气，都唔及范冰冰，但而家咁睇，似乎好多网民都大跌眼镜！

一直低调嘅李晨被爆至少有十亿元人民币身家。

事实上，李晨今年就以4,460万人民币（约澳门币5,200万元）嘅年收入，跻身「福布斯」中国名人榜，排喺第19位，虽然呢个数对比女友范冰冰嘅财力，都仲係有好大段距离，但近日有传李晨原来係超低调嘅隐形富豪，身家至少有十亿元人民币，仲话佢几乎唔到半年就换一次新车，另外佢喺北京、上海等众多城市，都有投资房地产同物业。

有传李晨几乎唔到半年就换一次新车，係一名隐形富豪。