台湾女子组合S.H.E成员陈嘉桦（Ella），在2012年同圈外男友赖斯翔结婚，婚后Ella一直以事业为重。日前，有台湾媒体大爆Ella同老公「造人」成功。报道话Ella早前同一个烈酒品牌接洽倾代言，但最后突然变卦，原因係Ella发现自己有咗BB，担心广告曝光后，同孕妇形象唔夹。报道话Ella 而家只剩一个内地唱歌节目，嚟紧就可以放心安胎！

Ella传出怀孕嘅喜讯，令唔少粉丝都戥佢开心。

Ella同老公赖斯翔结婚四年，两人一直表现恩爱，更经常喺社交网站放闪，Ella亦多次公开讲：「很想生小孩。」不过，佢哋嘅「造人」计划就因为Ella出碟、演舞台剧、拍综艺节目等工作，一直延后。今次Ella传出怀孕嘅喜讯，令唔少粉丝都戥佢开心。对此，Ella嘅唱片公司出面回应：「谢谢大家关心。有甚么好消息，时间到了一定会跟大家分享。」睇嚟应该係未够三个月，未可以公布喎！

Ella同老公赖斯翔结婚四年，两人经常喺社交网站放闪。